O iOS 4.2 achega a multi-tarefa ao iPad
martes, 23 de novembro do 2010
Esta semana os
usuarios de terminais móbiles de Apple poden actualizalos á
versión 4.2 do seu sistema operativo, o que principalmente nótase no iPad,
xa que deste xeito temos a primeira grande actualización deste produto coa
incorporación da desexada multi-tarefa, funcionalidade que vén acompañada con
novidades coma o AirPlay (para facer streaming
de contidos multimedia dende calquera dispositivo con iOS 4.2), AirPrint (para
imprimir documentos dende o teléfono en impresoras compatibles), cartafoles
para a organización de aplicacións, bandexa de entrada unificada para o correo
electrónico, acceso ao servizo Game Center que facilita o xogo en liña entre
usuarios de distintos terminais con iOS e o servizo de localización de
terminais con GPS Find My iPhone, popular
para localizar o móbil en caso de roubo ou perda, e que desta volta convértese
nun servizo de balde, non precisando dunha conta de pagamento de Mobile Me para
acceder a tal útil funcionalidade.
Como curiosidade, en distintos foros e páxinas web comentan que Find My iPhone só é de balde para iPhone
4, iPad e o iPod Touch de 4ª xeración, pero pode aplicarse a terminais anteriores
sempre que se active para unha conta de usuario dende un dos terminais
indicados.
VÃdeo no que podemos ver o AirPlay en funcionamento