O grupo VIKO, distinguido polo seu empuxe internacional
luns, 7 de setembro do 2015
- O galego Rubén Ferreiro, director executivo de VIKO
VIKO,
o grupo de axencias en liña de raizame galega, vén
de obter un importante recoñecemento na pasada edición dos premios
European Business Awards, que se celebraron e resolveron o dÃa 1
deste mes de setembro. A distinción obtida por VIKO, un grupo
impulsado e dirixido polos galegos Rubén Ferreiro e Rubén Bastón,
sitúa a corporación como unha das firmas estatais con meirande
potencial de medre transfronteirizo (de feito, ten sedes en
Barcelona, Madrid, Vigo, México DF e Miami.
De feito, o recoñecemento
consistiu en ter incluÃdo a VIKO no selecto grupo dos National
Champions, ao abeiro da categorÃa Elite Award for Growth Strategy
of the Year, que é un premio
que salienta o labor das empresas en crecemento internacional. O
xurado, con este galardón, valorou moi positivamente o proceso de
espallamento do grupo fóra do ámbito estatal, sobre todo en México,
onde está a ser especialmente punteira a axencia de mercadotecnia
dixital Elogia, pertencente á corporación.
VIKO,
siglas de Virtual KnOwledge,
púxose
a andar hai máis ou menos un ano xuntando un total de
sete marcas de axencias, software e medios de comunicación de
mercadotecnia dixital. O galego Rubén Ferreiro (CEO do holding
resultante) lembrounos daquela que a iniciativa partÃa dunha base de
apoio nada desdeñábel: un volume de negocio superior aos 10 millóns
de euros anuais. O grupo está formado por Elogia, axencia de
mercadotecnia online, Moddity, axencia de desenvolvemento de
aplicacións de comercio móbil, Ibrands, axencia de resposta
directa, Mittum, plataforma de mercadotecnia e ecommerce,
eMMa, ferramenta de aplicacións intelixentes, MOÕSE, software de
xestión masiva de páxinas de destino e Mercadotecnia4eCommerce,
medio de comunicación sobre comercio electrónico e mercadotecnia.