O eido aeroespacial achega Brasil á Universidade de Vigo
mércores, 5 de febreiro do 2014
O
campus
de de Vigo acollÃa esta semana a visita de
dous representantes
do Centro de Referência em Sistemas Embarcados e Aeroespaciais
(CRSEA), dependente do Instituto Federal Fluminense do Brasil. Máis
polo miúdo, a estadÃa no campus vigués encamiñouse a coñecer as
instalacións da Agrupación Estratéxica Aeroespacial na Escola de
EnxeñarÃa de Telecomunicación amais de manter unha sesión de
traballo co vicerreitor de Extensión Universitaria e Relacións
Internacionais, Manuel Fernández Iglesias e o profesor Fernando
Aguado. Deste xeito, Cedric Salotto Cordeiro -coordinador do Centro
de Referência em Sistemas Embarcados e Aeroespaciais- e Rogerio Atem
de Carvalho -coordinador adxunto- puideron ver de preto o proxecto
Humsat-D
e asistir a un dos pases do satélite dende a estación de
seguimento.
Este
achegamento entre o Instituto
Federal Fluminense
e a Universidade
de Vigo
nace froito dos mesmos obxectivos e liñas prioritarias de
investigación no eido aeroespacial que as dúas entidades comparten.
Estes puntos comúns converteranse en propósitos a tratar coa
vindeira sinatura dun convenio de colaboración entre ambas
institucións para traballar conxuntamente en proxectos de
investigación e en mobilidade de estudantes e investigadores.
Emporiso, unha vez
asinado o convenio, a colaboración centrarase en dous eidos: no
avance da cooperación en redes de seguimento de nanosatélites (xa
que o CRSEA coordina a rede de Brasil, conformada por dez estacións
de seguimento) e na colaboración de ambas equipas en plataformas e
operación de nanosatélites.
Cómpre
sinalar que o Instituto Federal Fluminense poñÃa en marcha en 2012
o Centro de Referência em Sistemas Embarcados e Aeroespaciais
(CRSEA), unha unidade de referencia para a investigación e
desenvolvemento de sistemas embarcados e aeroespaciais, creada en
conxunto coa Secretaria de Educação Profissional e Tecnológica do
Ministério da Educação (Setec/MEC) e co apoio da Agência Espacial
Brasileira (AEB). Os principais obxectivos do CRSEA pasan por formar
persoal cualificado a través da integración do ensino co I+D,
xerando tecnoloxÃas innovadoras, colaborando para a nacionalización
de hardware e software e espallando os coñecementos pola Rede de
parceiros industriais e académicos.