O consumo de contidos dixitais medra en España e faise case universal
mércores, 23 de xuño do 2021
O
observatorio ONTSI, dependente de Red.es, vén de publicar un novo
estudo sobre a realidade TIC do ámbito estatal, desta volva poñendo
o foco nos nosos hábitos en relación coa información. Trátase
do Estudo sobre usos e actitudes de consumo de contidos dixitais de
2021. A súa principal conclusión é a seguinte: o consumo
de contidos dixitais medra en España e faise case universal entre a
poboación. Parte da “culpa” destas boas cifras tena o
confinamento, que incluíu o devandito data e “facilitou a
familiaridade da poboación coas novas tecnoloxías”.
No
estudo dise que o 93,3% consume polo menos un tipo de contido
dixital. Nel tamén se fai saber que desde o informe anterior sobre
esta temática que se elaborou en 2016, “non só creceu a taxa
senón tamén a frecuencia de consumo dos distintos contidos”.
O
proceso, con todo, non foi igual en todas as franxas de poboación. O
36% dos maiores de 75 anos non consumiu contidos dixitais nunca e o
20% só de maneira excepcional. Tamén o nivel de estudos é un
factor diferencial: o 34,9% da poboación con estudos primarios non
fixo uso de contidos dixitais.
O
incremento maior está na franxa de 14 e 24 anos que xa tiñan un
consumo elevado: o 60% di que aumentou a súa utilización de
servizos dixitais durante o confinamento e continúa consumindo máis
agora que antes.
En
relación coa tipoloxía de contido, o estudo tamén indica que o
incremento na taxa de consumo no que se refire a películas, series,
vídeos e documentais sobe dun 59,5% a un 80,3% na actualidade, e a
música dixital ha pasado do 58,1% da poboación ao 80,1%.
O
informe tamén enxalza o papel xogado polos contidos formativos e
educativos, que pasaron a consumir tres de cada catro persoas, polo
que se instauran como unha das informacións máis requiridas polos
cidadáns de entre 16 e 74 anos.
Os
contactos con familiares por vídeo-conferencias e os trámites coa
administración por Internet tamén son dous hábitos que se
incrementaron tras o confinamento.
En
función do xénero, en practicamente todos os tipos de contidos
sempre é maior a taxa de consumo por parte dos homes que entre as
mulleres, con algunhas poucas excepcións onde se pode dicir que a
taxa de consumo é practicamente idéntica como os libros
electrónicos ou as imaxes dixitais. “A brecha entre a taxa de
consumo de homes e mulleres é especialmente grande nos videoxogos”,
engádese.
Asemade,
medrou a frecuencia de consumo dos distintos tipos de contido.
Durante o confinamento, de maneira moi destacada (65,8%)
incrementouse a de películas e series. Actualmente, esa suba
prodúcese sobre todo no consumo de xornais e revistas dixitais
(48,3% de quen len faio a diario). De igual maneira, un 44, 9% de
quen escoitan música por medios dixitais tamén o fai acotío.