O ciclo de Faladoiros Feministas da Deputación de Lugo remata este venres cunha sesión sobre igualdade
xoves, 17 de decembro do 2020
O
ciclo de
Ciberfaladoiros Feministas 2020 que organiza a Deputación de Lugo e
o Foro Feminista Maruxa Mallo remata este venres 17 coa
participación da mestra e especialista en educación en igualdade,
Sonia Fernández Casal, que impartirá a charla en liña
Desaprendendo o sexismo desde as aulas: o dereito á coeducación.
O coloquio abordará a construción dunha escola co-educadora na que
se erradique o sexismo, o androcentrismo ou os valores patriarcais no
sistema educativo.
Fernández
Casal é mestra de Secundaria e responsable de Igualdade no IES
Plurilingüe Fontexería. Cursou o Mestrado en Xénero e Políticas
de Igualdade pola UDC e foi galardoa co Premio Concepción Arenal
polo proxecto educativo de igualdade de xénero Nós tamén
navegar.
O
encontro retransmitirase a través da canle de YouTube de
Nomenklaturas Gestión Cultural, ás 19:30 horas. Está aberto á
participación do público a través de Whatsapp no número de
teléfono: 690.117.254.
Os
Faladoiros Feministas da Deputación de Lugo e o Foro Feminista
Maruxa Mallo retomáronse en outubro transformados en Ciberfaladoiros
para adaptarse á nova normalidade e darlle a oportunidade á
veciñanza da provincia de participar a través de Internet. Os
encontros foron organizados para “sensibilizar e avanzar na
igualdade real e efectiva, loitar contra a violencia de xénero e
empoderar ás mulleres”.
No
marco deste ciclo, a periodista Mabel Lozano presentou por primeira
vez en Galicia o seu novo libro PornoXplotación de denuncia
da trata. Tamén participaron a xurista experta en maternidade,
lactancia e dereito sanitario Marta Busquets, a especialista en
políticas de igualdade Carmen Castro e a experta en sustentabilidade
enerxética Sonia Ramos Galdo.