O centro Gradiant celebra este venres o seu quinto aniversario
mércores, 8 de maio do 2013
Este venres o centro de
investigación Gradiant vai
desenvolver os actos oficiais de celebración do seu quinto
aniversario. A cita dará comezo ás 12 horas, na propia sede do
Centro Tecnolóxico de Telecomunicacións de Galicia (Gradiant), no
Edificio CITEXVI do Campus de Vigo. A axenda de actividades
arrancará coa intervención de Fernando Pérez, director xeral do centro
galego de I+D, que fará un percorrido polos principais froitos
recollidos ao longo destes cinco anos de vida e amosará os vieiros
futuros a percorrer. Tras Fernando Pérez, será a quenda de
Salustiano Mato, reitor da Universidade de Vigo, institución
co-responsábel da materialización e posta en marcha do centro, tal
e como sinalamos no seu dÃa dende Código Cero.
Volvendo ao programa,
dicir que a continuación de Mato, intervirán o conselleiro de
EconomÃa e Industria, Francisco Conde e o alcalde de Vigo, Abel
Caballero. A xeira de actividades complétase coa presentación dunha
obra audiovisual sobre as liñas de traballo e repercusión dos
achados do centro galego e cun apagado de velas virtual do seu quinto
aniversario.
Como lembraremos,
Gradiant púxose en marcha hai cinco anos como un espazo de
investigación para (precisamente) xerar máis espazos, vieiros e
proxectos de investigación na nosa terra, sobre todo no eido das
tecnoloxÃas do coñecemento. Detrás da súa posta en marcha estivo
un padroado composto pola Xunta, as tres universidades galegas e as
empresas e entidades Arantia 2010, Arteixo Telecom, EGANET, Egatel,
Gsertel, Indra/Soluziona, INEO, R, Telefónica, Televés,
Tele2-Comunitel e Tredess.