O arteixán Juan Varela, gañador do concurso de fotografÃa con dispositivos convocado en Caión
luns, 10 de novembro do 2014
Xa hai gañador do
concurso de fotografÃa feita con dispositivos móbiles que
organizaron o proxecto Mar de Caión e o Concello de Laracha a
través da páxina de Facebook de Mar de Caión. O certame, como
lembraremos, inseriuse na segunda fase do devandito proxecto GAC
financiado con fondos europeos, que ten como principal cometido
promover e dar a coñecer os recursos relacionados co mundo e a
cultura mariñeira e o coidado do entorno natural da vila costeira
coruñesa. O concurso desenvolveuse entre o 29 de
outubro e o 9 de novembro e a fotografÃa gañadora foi Amencer
en Caión un dÃa de pesca, do arteixán
Juan Varela, quen poderá gozar dunha comida ou cea nun
establecemento da Rede de Hostaleiros Mar de Caión, na que se
promociona a gastronomÃa local.
A fotografÃa en cuestión recibiu 243 gústame
en Facebook e, polo tanto, converteuse na máis votada. Segundo
informa a organización da actividade, participaron nesta un total de
57 fotógrafos-internautas. A imaxe gañadora foi obtida dende o
porto da vila mariñeira, dende onde precisamente parte moitas veces
a embarcación do autor da fotografÃa.
Un dos obxectivos concretos do concurso foi o de
promover a presenza de Mar de Caión na rede social Facebook. De
feito, para poder participar na actividade, os fotógrafos tiveron
que facerse membros da devandita páxina. O resultado disto é que
nos dez dÃas nos que se desenvolveu o concurso, a fan page
pasou de 600 a 718 seareiros. Outra condición fundamental para optar
ao premio foi que as fotografÃas estiveran realizadas cunha cámara
de dispositivo móbil (teléfono ou tableta), requisito que foi
comprobado antes de proclamar publicamente como gañador a Juan
Varela.
