O Polo Aeroespacial 2025 virá con axudas para a internacionalización das empresas galegas do sector
venres, 9 de xullo do 2021
- Conde, á dereita, na inauguración de UNVEX nunha imaxe de El Correo Gallego
O
conselleiro de Economía, Francisco Conde, participou na mañá deste
9 de xullo nas demostracións que se están a levar a cabo no
aeródromo das Rozas, con motivo do evento
UNVEX 2021 que comezou antonte. Na súa intervención Conde
fixo saber que no marco do Polo Aeroespacial de Galicia 2025, a Xunta
inclúe axudas para a internacionalización das empresas galegas
vinculadas a este sector industrial.
Conde
tamén lembrou que será ao longo deste mes de xullo cando se faga
pública a licitación para os novos socios estratéxicos e
tecnolóxicos que queiran participar no Polo, cun orzamento inicial
de 40M€ a través dos que se prevé asinar entre catro e oitos
acordos de asociación.
Entre
as novidades, o conselleiro salientou o obxectivo de atraer outros
fondos públicos para o desenvolvemento de proxectos de I+D e, tamén,
que se vai pór o foco na xeración de pegada industrial para que as
pemes poidan incorporarse ás cadeas de valor das grandes empresas
tractoras.
Ademais,
dixo, no marco do Polo Aeroespacial 2025 introduciranse mecanismos
para facilitar o desenvolvemento industrial e a comercialización
internacional de produtos e tecnoloxías desenvolvidas polo sector
aeroespacial da nosa terra. “Deste xeito”, dixo, “crearase un
marco de axudas para a internacionalización das empresas galegas
deste ámbito que incluirán financiamento para exportacións,
misións comerciais, atracción de investimento e creación de novos
mercados”.
Como
dixemos, Conde presenciou diversas exhibicións de vehículos aéreos
non tripulados abeirados ao desenvolvemento de UNVEX, no aeródromo
das Rozas. Nas demostracións participaron Indra –con Mantis EQF
para misións de intelixencia, vixilancia, adquisición de obxectivos
e recoñecementos e o Targus, o maior dron non tripulado de uso civil
de España–, o Centro Tecnolóxico Gradiant –co sistema C-UAV
para a protección de persoas e infraestruturas das ameazas fronte
actividades ilegais dos drons–; a empresa Sistem –co sistema
Fulmar View que xa conseguiu os primeiros contratos para o control do
tráfico–; a firma ourensá Aerocamaras –con Aerohyb Hexa, de uso
na industria, agricultura, enerxías, rescate e emerxencias, así
como no sector audiovisual–; e UAV Work –que está desenvolvendo,
no marco da BFAero, avións de despegue vertical para patrullaxe ou
transporte de pequenas mercadorías.