O Plan ÚNICO leva banda larga a máis de 7.000 veciños da comarca de Ourense
martes, 28 de marzo do 2023
O
subdelegado do Gobierno en Ourense, Emilio González, presentou os
datos do Plan ÚNICO-Banda Larga nos concellos de Ourense e a súa
comarca. Segundo fixo saber, este plan “permitiu que concellos como
Pereiro de Aguiar ou Coles pasasen nos dous últimos anos de non ter
implantación de Internet ultrarrápida a que esta chegue a máis da
metade dos seus habitantes ou que no caso de Ourense, chegase
practicamente ao 100% da súa dixitalización”.
González
sinalou que este investimento levará internet de banda larga a “máis
de 7.000 veciños e veciños da comarca de Ourense mellorando a
conectividade en 1.290 núcleos de poboación de toda a bisbarra
rompendo a fenda dixital que existe na actualidade”.
Así
o manifestou ese luns 27 de marzo nun encontro mantido no salón de
actos do Arquivo Histórico Provincial de Ourense.
Ata
alí desprazouse xunto ao xefe de inspección de Telecomunicacións
da provincia, Enrique Sanmartín, quen informou aos alcaldes e
representantes institucionais dos doce municipios da comarca
(Ourense, Barbadás, Amoeiro, Vilamarín, Esgos, Taboadela, San
Cibrao das Viñas, Nogueira de Ramuín, Pereiro de Aguiar, Coles, A
Peroxa e Toén) do estado de cumprimento do plan situando os
concellos da comarca como unha zona de “gran conectividade” e
poñendo en valor esta aposta do Gobierno central por “cumprir cos
obxectivos do reto demográfico”.
Durante
o acto aproveitouse para que o novo operador encargado da
implantación do servizo na provincia, representantes da empresa de
telefonía Avatel Telecom, quen recolle a testemuña de Telefónica,
expoñan a súa proposta aos alcaldes e alcaldesas para que estes
poidan resolver dun modo máis áxil os trámites necesarios para a
extensión da liña.
José
Manuel González, directo de extensión na Zona Norte de Avatel
Telecom, puxo en valor a implicación de Avatel como “unha
operadora que mira cara ao rural e que valora a implantación do Plan
ÚNICO do Gobierno como un obxectivo común de ambas as entidades”.
Así mesmo, tamén destacou que “a compañía atópase realizando
unha rolda de contactos con presentacións de plans de despregadura
en cada municipio para poder informar os alcaldes e alcaldesas da
situación do programa”.
En
Ourense o plan conta cun investimento de 18.391.322 euros para 45.635
unidades en Ourense cuxos traballos están a ser efectuados pola
empresa Adamo Telecom.
Con
esta nova liña de axudas, financiada cos fondos Next Generation EU
no marco do Plan de Recuperación, Transformación e Resiliencia,
mobilizarase un investimento público-privado de 388,2 millóns de
euros, que se suman aos 1.120 millóns postos en xogo desde 2018.
Estes investimentos permitiron levar conexións de banda larga ultras
rápida a máis de catro millóns de fogares e empresas ata 2021.
No
caso de Galicia, como na maior parte do territorio estatal, os
fogares e empresas beneficiados atópanse en zonas brancas, aquelas
que non dispoñen de cobertura de redes de velocidade de polo menos
30 Mbps, nin plans para a súa dotación nos próximos tres anos.