O Parlamento aproba a proposta do PSOE para blindar en ciberseguridade ás pemes e aos concellos
xoves, 24 de febreiro do 2022
O
Parlamento de Galicia vén de aprobar a iniciativa socialista para
urxir ao Goberno galego a tomar medidas en materia de ciberseguridade
para pemes e pequenos concellos. O apoio formalizouse este xoves 24
de febreiro na Comisión de Industria do Parlamento, onde os tres
grupos votaron por unanimidade tres puntos da proposición non de lei
cuxo texto foi transaccionado entre os grupos.
“As
taxas de ciberdelincuencia disparáronse ata o 71% no ano 2021 en
Galicia”, alertou a parlamentaria socialista Leticia Gallego,
salientando que as pemes son “as grandes expostas á
desprotección”, ao igual que os pequenos concellos, xa que “non
teñen capacidade para xestionar axeitadamente este asunto”, cousa
que adquire cotas máis preocupantes que temos en conta que “un de
cada catro delitos cometidos o pasado ano foron estafas cometidas con
medios telemáticos”.
Gallego
dixo que un dos principais da Administración autonómica é “chegar
a cidadanía, ao tecido empresarial das pemes e aos pequenos
concellos”, así como “cubrir a falla de profesionais e técnicos
con experiencia que padece actualmente o sector”. Con todo, a
socialista destacou que é necesario “formar á cidadanía en
xeral”, xa que este “é un problema que temos como sociedade e é
o noso deber como representantes do pobo poñer todos os medios
posibles para que o seu impacto na cidadanía sexa o menor posíbel”.
Gallego
instou á Xunta a elaborar medidas en ciberseguridade para pemes
galegas e pequenos concellos ante unha “desprotección real”
fronte a ciberdelicuencia. Ademais, pediu incorporar na Estratexia
Galega de Ciberseguridade plans de formación “contando co tecido
empresarial e coas universidades”, así como a sensibilizar na
Educación Secundaria sobre as saídas laboral do sector.
Texto
aprobado por unanimidade pola Cámara
O
Parlamento galego insta á Xunta de Galicia a:
1.
Elaborar medidas en ciberseguridade para as pemes galegas en
colaboración coas diferentes Administracións responsables con
capacidade e competencias para facer fronte a ciberdelicuencia.
2.
Elaborar medidas en ciberseguridade para os pequenos concellos en
colaboración coas diferentes Administracións responsables con
capacidade e competencias para facer fronte a ciberdelicuencia.
3.
Incorporar na Estratexia Galega de Ciberseguridade plans de formación
contando co tecido empresarial e coas universidades e sensibilizar na
educación secundaria sobre as saídas laborais en ciberseguridade.