O Pacto Dixital de Galicia xa conta co apoio de Vodafone
martes, 4 de marzo do 2014
Vodafone
España -da man do seu presidente, Francisco Román- e Alberto
Núñez Feijoo -presidente da Xunta de Galicia- asinaban hoxe
a adhesión da compañÃa de telecomunicacións ao Pacto Dixital de
Galicia. Con esta unión, son xa 11 as empresas que se
comprometen a investir en Galicia de cara a convertela en eixo
tecnolóxico de referencia.
As compañÃas asinantes (HP, Indra, Telefónica, Everis, Tecnocom,
Iecisa, Satec, Televés, R, Altia, Coremain e o Clúster TIC Galicia)
e o Goberno autonómico asumen un decálogo de compromisos. Entre
estas promesas figuran a de colaborar de xeito activo na captación
de financiamento en programas como o Horizonte
2020 para o desenvolvemento de
novas liñas de negocio e novos produtos en Galicia. Apostar polo
rural galego coa extensión de tecnoloxÃa de nova xeración; apoiar
aos emprendedores dixitais de Galicia e participar activamente como
mecenas dixitais promovendo actuacións que capaciten á cidadanÃa.
Amais
disto irase á procura da vontade de garantir (mediante un programa
de bolsas) a achega ao mercado laboral de universitarios e estudantes
de Formación Profesional Obrigatoria do eido tecnolóxico.
Emporiso,
na xornada de hoxe, Vodafone manifestou a
súa aposta por impulsar o desenvolvemento do sector das
telecomunicacións con Galicia, completando o despregamento de
infraestruturas de última xeración nas grandes cidades, dando
continuidade á introdución de banda larga móbil a poboacións
menores de mil habitantes, e desenvolvendo iniciativas de carácter
social a través da Fundación
Vodafone España.
É
preciso salientar que no devandito acordo, Vodafone comprometeuse a
dotar de cobertura 4G (antes do 31 de marzo) ás 7 grandes cidades de
Galicia: Santiago de Compostela, Pontevedra, Lugo, Ourense, Ferrol, A
Coruña e Vigo, un despregamento que suporá un investimento en rede
na comunidade galega de 55 millóns de euros en 2014. Outra das
propostas é o despregamento de FTTH (fibra óptica até o fogar) que
incluirá tamén as principais capitais galegas, comezando por Vigo.
Alén disto, Vodafone España sumará o seu apoio de maneira especial
ao turismo galego cun investimento adicional de 15 millóns de euros,
encamiñados a reforzar as infraestruturas de rede en costas e
interior o vindeiro verán. E na vertente social (ligada ao
desenvolvemento dixital), a Fundación Vodafone mantén unha
colaboración estreita con institucións e organizacións galegas co
obxectivo de fomentar a investigación e o uso das novas tecnoloxÃas
para a integración social e laboral dos grupos en risco de
exclusión. Exemplos diso son as colaboracións con institucións
como a Universidade de Vigo, a asociación COGAMI ou a Cruz Vermella
en proxectos de teleasistencia ou os programas de formación e
dixitalización de maiores, que xa formaron a máis de 3.000 alumnas
e alumnos.
En
canto ao Goberno galego, dicir que se compromete a elaborar a Lei de
desenvolvemento dixital para a transformación de Galicia cara a unha
economÃa baseada no coñecemento. Ademais, garante que capacitará
os cidadáns para que poidan integrarse na contorna dixital e que
impulsará grandes proxectos tractores de innovación tecnolóxica
nos sectores produtivos estratéxicos para Galicia, apostando por
convocatorias de financiamento de grandes proxectos que permitirán
captar fondos europeos.