O PSOE acada a unanimidade do Parlamento para esixir á Xunta medidas contra a ciberdelincuencia
mércores, 16 de marzo do 2022
O
Parlamento
de Galicia aprobou este 16 de marzo, por unanimidade, a iniciativa do
PSdG na que se lle reclama á Xunta que “adopte medidas para loitar
contra a ciberdelincuencia”. A deputada socialista Paloma
Castro defendeu esta proposta na Comisión Institucional do
Parlamento, onde alertou “do preocupante aumento deste tipo de
delitos”, emporiso demandou que o Goberno galego “siga a avanzar
na modernización do país para axudar ás persoas a adaptarse aos
tempos coa necesaria protección que debe dar unha administración
pública”.
Na
proposta á que se lle vén de dar o voto favorábel solicítaselle á
Xunta que “leve campañas dirixidas á cidadanía para informar e
concienciar sobre a importancia da ciberseguridade, alertar das
condutas que poidan ser sospeitosas deste tipo de estafas e para
mellorar as capacidades no uso da tecnoloxía dixital”.
En
palabras de Paloma Castro, “estender a cultura da prevención é
fundamental para evitar que sigan a aumentar estes delitos”. Neste
senso, cualificou de “necesario” artellar campañas divulgativas,
en colaboración con sectores mediáticos, “que teñan como
finalidade informar, promover e difundir”.
Na
mesma liña, Castro tamén reivindicou un servizo de asesoramento
para as persoas ou entidades que sofren esta situación ou
subvencionar cursos de formación para actualizar os coñecementos de
avogados e avogadas sobre as distintas modalidades delitiva a través
das TIC (Tecnoloxías da Información e a Comunicación).
Paloma
Castro explicou que as medidas do Goberno da Xunta para loitar
contra a ciberdelincuencia “non poden limitarse a protexer á
administración pública dos posíbeis ciberataques coa instalación
de programas máis seguros, senón que tamén teñen que protexer á
cidadanía”. Nesta liña incidiu en que “non queremos que o
Goberno galego asuma competencias impropias senón que nos
conformamos con que asuma as que lle corresponden, tal e como fan
comunidades como A Rioxa, Aragón, Andalucía e Cataluña”,
comentou.