O Nokia N900 podería gozar de arranque dual Maemo-Android

Nos ordenadores persoais moitos usuarios optan pola instalación de varios sistemas operativos, podendo elixir no momento do inicio do equipo cal queren utilizar, e agora no blog de Brandon Roberts amosan nun vídeo que é posible levar tal práctica a teléfonos móbiles coma o Nokia N900, de xeito que é posible hackealos para que permitan elixir se arrincar o sistema operativo Maemo dende a súa unidade interna de almacenamento ou o sistema operativo Android dunha partición aparte nunha tarxeta microSD.
Polo momento estariamos ante unha «proba de concepto», pero resulta moi interesante a posibilidade de poder gozar de dous sistemas operativos móbiles no potente N900 de Nokia, o que daría unha maior liberdade e versatilidade aos seus usuarios.

Vídeo de demostración do dual-boot no Nokia N900