O Nokia Lumia 520 convértese no móbil con Windows Phone máis vendido
luns, 15 de xullo do 2013
- Cota do mercado mundial de Windows Phone por terminais
Mentres
Nokia continúa a querer captar a atención dos medios con smartphones con
cámaras únicas, parece que a aposta por terminais a prezos axustados está a dar
os seus froitos, e datos de AdDuplex indican que o Lumia 920 xa non é o móbil
estrela de Nokia, senón que é o
moito máis modesto Lumia 520 o que está a trunfar en vendas a nivel mundial,
conseguindo ser o móbil con Windows Phone máis vendido do mundo, cunha cota de
mercado do 13,3% que en paÃses como a India chega incluso ao 31,3%.
O crecemento da penetración do Lumia 520 está a ser moi rápido, pois hai un mes
aÃnda estaba nun 5º posto, e agora que o seu fabricante consegue colocar
suficientes unidades á venda consolÃdase o seu éxito, baseado en ofrecer unha
mellor experiencia de uso que smartphones con Android no mesmo rango de prezo
(lembremos que compañÃas como Tuenti ofréceno
libre por 149 euros, mentres que en
Amazon.es véndeno por 159 euros).
Os datos de AdDuplex tamén serven para confirmar que Windows Phone 8 conseguiu
suceder a Windows Phone 7.x (chegando ao 61% dos terminais con Windows Phone) e
Nokia convértese no fabricante de referencia co 85,4% dos móbiles con Windows
Phone 8 (seguido polo moi inferior 11,5% de HTC, o 2% de Samsung e o 1,1% de
Huawei).