O IGADI remodela a súa presenza web na procura dun meirande dinamismo
luns, 25 de xuño do 2012
O IGADI
(Instituto Galego de Análise e Documentación Internacional) vén de
presentar nova feitura web,
dirixida a reforzar os seus contidos e obxectivos (achegar opinión
plural sobre o noso presente no mundo) a través dun deseño “máis
dinámico”. Asemade, preténdese con
esta remodelación acadar maior difusión do labor desenvolvido dende
o Instituto e a súa contorna. A idea é manter a liña informativa
amosada ao longo destes anos ao tempo que se renova. Así, seguirase
adiante co compromiso a prol “da
independencia e a reflexión” así
como por impulsar internacionalmente a nosa terra, ao tempo que se
aposta forte pola vinculación coas redes sociais.
Neste novo formato, informan as/os responsábeis
do Instituto, poderase igualmente “apreciar
a nosa Videoteca
(IGADI TV), Audio
(entrevistas radiofónicas), Arquivo
Fotográfico e unha listaxe
actualizada dos nosos analistas
e colaboradores, así como
acceder ás respectivas web do Fondo
Galego de Cooperación e Solidariedade,
da Fundación Plácido Castro
e do Observatorio de la Política
China (OPCh), conservando ao
mesmo tempo o arquivo da antiga web do IGADI e máis unha boa parte
das seccións xa afianzadas”.