O IES A Pinguela de Monforte coñece os proxectos do CITIC
venres, 31 de xaneiro do 2020
O
Centro de Investigación TIC da Universidade da Coruña (Campus de
Elviña) segue mostrando a súa excelencia e os seus proxectos ante a
comunidade de estudantes da nosa terra. Este mércores 29, sen ir
máis lonxe, a
sede do CITIC recibiu visita dun grupo de alumnos e alumnas dos
ciclos de Desenvolvemento de aplicacións web e Sistemas
microinformáticos e redes do IES A Pinguela de Monforte de
Lemos.
A
visita comezou cunha presentación do centro e as súas liñas de
investigación da man do subdirector Javier Pereira e o investigador
José A. Iglesias Guitián. A continuación, acudiron ao laboratorio
de drons de Avansig, empresa punteira en tecnoloxÃas para vehÃculos
aéreos non tripulados situada no CITIC. O socio e director da
empresa, David Trillo, explicou aos asistentes os proxectos nos que
actualmente están a traballar na liña de negocio relacionada cos
drons.
Máis
tarde, o responsábel da unidade de sistemas do CITIC, Alejandro
Mosteiro, explicou aos estudantes o funcionamento do Centro de
Procesamento de Datos (CPD). Para finalizar, os rapaces visitaron a
sala de demostradores tecnolóxicos, onde coñeceron diferentes
proxectos desenvolvidos no centro.
