O Goberno terá destinados máis de 5.000 millóns de euros ó desenvolvemento das redes en 2008

O secretario de Estado de Telecomunicacións, Francisco Ros (na imaxe), vén de avaliar o papel do Goberno no impulso das Tecnoloxías da Información e a Comunicación (TIC) na V Edición do Foro Sociedade en Rede que organizaron a entidade pública empresarial Red.es e a axencia de noticias Europa Press.
Ros destacou que “fronte ó período 2001-2004, nos que se investiron 1.800 millóns de euros en novas tecnoloxías da información e a comunicación (TIC), a cifra ofrecida polo Goberno co Plan Avaza nesta materia triplica o orzamento, achegándose ós 5.076 millóns de euros para o período 2005-2008”.
Outras diferenzas que Francisco Ros salientou en relación ós avances acadados na actual lexislatura respecto do pasado exercicio foron:
· “Multiplicación por catro das liñas de banda larga, acadando os 8,2 millóns a finais de 2007”.
· “A velocidade media contratada é dez veces superior, pasando de 256 Kbps a 3 Mbps”.
· “En 2007 máis da metade da poboación española xa é internauta. 22.000 millóns de españois navegan pola Rede”.
· “O porcentaxe de empresas conectadas á banda larga é o dobre ca hai 4 anos”.
· “España atópase entre os primeiros países de Europea en desenvolvemento do comercio electrónico, superado unicamente por Finlandia”.
· “A TDT pasou de non existir practicamente en 2005 a chegar a máis de 7,5 millóns de receptores vendidos ata finais de 2007. A cobertura de TDT acada xa o 85,3 por cento da poboación, a máis elevada de Europa”.
· “O porcentaxe de centros educativos conectados a Internet é do 98,5 por cento. Deles, o 92 por cento dispoñen de banda larga”.
· “O Plan Avanza conseguiu modernizar a Administración fomentando os servizos en liña e impulsando o DNI electrónico”.
Ros rematou a súa intervención desmentindo que os cidadáns paguen un 20 por cento máis que a media europea pola banda larga, nova da que demos conta o pasado 22 de novembro en Código Cero.