O Goberno galego contribuirá con 26 millóns á transformación 4.0 de 600 empresas
venres, 28 de decembro do 2018
O
Goberno
galego anunciou onte unha achega de 26,3 millóns de euros para
impulsar a transformación tecnolóxica das nosas empresas: a
adaptación plena aos máis innovadores xeitos de producir e facer
mercado. En termos máis concretos, a devandita contÃa irá
destinada a favorecer a dixitalización e os modelos produtivos
propios da Industria 4.0 (máis automatización, máis interconexión,
máis eficiencia, máis sustentabilidade e máis eficacia) en
arredor de 600 firmas da nosa terra.
A
Xunta engadiu que se trata dunha iniciativa que prevé mobilizar en
total máis de 70 millóns de euros en tres liñas de axudas: a
terceira edición do programa Fábrica Intelixente; as axudas da
Axencia Galega da Industria Forestal (XERA); e os apoios do Instituto
Galego de Promoción Económica (IGAPE) á dixitalización.
Respecto
das axudas de Fábrica Intelixente, as beneficiarias serán as
compañÃas sen ningún tipo de restrición en canto ao seu tamaño;
e os organismos de investigación cun centro permanente en Galicia e
que poidan asumir, como mÃnimo, o 15% do orzamento total do
proxecto.
En
relación ao segundo programa: as axudas da Axencia Galega da
Industria Forestal (Xera), por valor de 8,6 millóns de euros, o
Goberno galego sinalou que o obxectivo é apoiar 90 PEME e
microempresas favorecendo a súa competitividade e incentivando o seu
proceso de medre.
No
que atinxe aos apoios para a dixitalización da Industria 4.0, o
IGAPE apoiará con 5 millóns de euros a transformación tecnolóxica
do tecido empresarial galego, coa previsión de mobilizar 13,28
millóns de euros para xerar proxectos colaborativos de
dixitalización e apoiar ás empresas que invistan nestes procesos
para cubrir as súas necesidades.
Para
iso, a Xunta apoia o desenvolvemento de obradoiros de dixitalización,
é dicir, espazos de colaboración desenvolvidos por un mÃnimo de 6
empresas para explorar solucións tecnolóxicas e vÃas de
colaboración para poñer en marcha ferramentas dixitais.