O Goberno apoiará proxectos de I+D con 394 millóns de euros
martes, 7 de agosto do 2018
O
Goberno central aprobou a semana pasada unha partida de 394 millóns
de euros para impulsar con axudas proxectos de Investigación e e
Desenvolvemento ao abeiro das dúas principais convocatorias da
materia: por unha banda I+D Xeración de Coñecemento, dotada
con 125,5 millóns de euros, e pola outra I+D+i Retos
Investigación, que terá un financiamento de máis de 268
millóns de euros. As convocatorias serán publicadas no BOE nos
vindeiros días e o prazo de presentación de solicitudes comezará
en setembro. Apoiaranse
proxectos de economía dixital, transporte intelixente ou eSaúde.
A
Axencia Estatal de Investigación, dependente do Ministerio de
Ciencia, Innovación e Universidades, xestiona ambas as
convocatorias, que representan, nas súas palabras, “as máis
importantes axudas en España para proxectos de I+D e das que poden
ser beneficiarios as universidades, os centros públicos e os centros
privados sen ánimo de lucro”.
Respecto
da segunda convocatoria, vén cunha contía de 268,2 millóns de
euros para axudas a proxectos cuxo obxectivo sexa contribuír a
resolver aspectos do oito grandes retos sociais recollidos estratexia
estatal do Goberno en materia de innovación, ciencia e tecnoloxía.
Nestes desafíos están incluídas iniciativas de eSaúde e
envellecemento activo, enerxía segura e sustentábel, transporte
smart e sustentábel, accións contra o cambio climático ou economía
e sociedade dixital.
No
que atinxe a outra convocatoria, I+D Xeración de Coñecemento,
pon en xogo unha contía de 125,5 millóns para axudas a proxectos de
investigación sen orientación temática previamente definida e
motivados, explícase, “pola curiosidade científica que teñan
como obxectivo principal a xeración de coñecemento e o seu avance,
con independencia do horizonte temporal”.