O GDG Ourense organiza unha charla sobre servizos en aplicacións móbiles
luns, 7 de marzo do 2016
O vindeiro xoves o espazo
de coworking Magma, no centro de
Ourense, servirá de escenario para un relatorio de Toni Martínez Carballo,
desenvolvedor de software autónomo, no que abordará a importancia que teñen a
día de hoxe os servizos nas aplicacións móbiles.
Nesta charla dará conta de elementos como API Rest, os modos de
autentificación, a conexión de aplicacións con estes servizos, como deseñar código
para que poida adaptarse a cambios de API e ferramentas para facer doado todo
este traballo, empregando como exemplo código publicado en Github para que os
asistentes podan meter “as mas na masa”.
A charla Android: Conecta a túa app con
servizos da Internet está organizada polo GDG Ourense, desenvolverase de
20:00 a 21:30 horas e a súa asistencia é totalmente de balde, para o que é
preciso inscribirse
a través de Eventbrite.
