O Foro Unirede afondará este sábado 27 nos logros galegos en materia de redes sociais
venres, 26 de outubro do 2012
Esta fin de semana o mapa da nosa terra
é un mapa inzado de citas TIC do máis variado. Logo da entrega dos
Premios INNOVA-G que
convocou un ano máis AGESTIC e da Noite
Galega das Telecomunicacións (que organizan a AETG-COETG esta
noite do venres na Illa da Toxa, no Gran Hotel), este sábado é a
quenda do Foro Unirede, un
espazo de intercambio de coñecemento e de experiencias innovadoras
que chega á súa segunda entrega en Santiago de Compostela, no
Campus Norte, na Facultade de Ciencias da Información. Por certo que
un dos casos de éxito a amosar será o deste grupo de comunicación,
precisamente, Código Cero.
Unirede, como lembraremos, é unha
xuntanza de análise colectiva dos logros galegos (moitos a ter en
conta) en materia de Rede 2.0. Preténdese, sinala a organización,
fomentar a interacción entre os diferentes actores galegos da Social
Media e difundir entre a sociedade as vantaxes de desenvolver a
nova Internet nos sectores económicos da nosa terra.
O segundo
Foro Unirede incorpora como novidades 2 áreas de traballo (saúde
2.0 e moda) que completan ás 3 que botaron a andar o ano pasado:
turismo/gastronomÃa, comunicación e industrias culturais.
O
evento repartirase en 2 sesións, de xeito que pola mañá
formularase como unha sesión plenaria, na que presentaranse casos de
éxito e boas prácticas entre as distintas iniciativas principiadas
con apoio das canles sociais en Galicia, mentres que na sesión
vespertina traballarase en 5 obradoiros temáticos.
Paralelamente, sinalar que
durante estes dÃas que preceden á celebración do Foro estanse a desenvolver xa
distintas accións para achegar o mundo 2.0 e das redes sociais a
distintos colectivos sociais e empresariais.