O Desmarket de Cambados contará con influencers de todos os recantos estatais
mércores, 27 de marzo do 2019
Cambados
acolle esta finde, entre o 29 e o 31 de marzo no Salón José
Peña, un salientábel encontro para creativos e emprendedores de
diferentes disciplinas e ámbitos de traballo, incluído o dixital, o
comercio, a moda, a música, a gastronomía e o deseño. Trátase
do Desmarket, unha cita destinada a promover o comercio local e as
súas conexións co mundo, no que participarán referentes dixitais
(influencers e instagramers) de diferentes recantos de
España. A través deles e do que conten nas redes nas súas
comunidades, Cambados mostrará o seu potencial perante máis de un
millón de usuarias e usuarios das redes sociais.
O
Desmarket, que vén da man de Nordelaina, o Concello e a Zona Centro,
contará tamén coa participación activa de trinta firmas locais e
marcas emerxentes cambadesas. Amais, informan os organizadores,
haberá espazo para “a mellor música”, con zonas para concertos
en directo, sesións de micrófono aberto e DJ. Así o domingo 31 de
marzo, ás 13:30h actuaran Los Vinagres, o sábado 30, ás 13:30h van
actuar Monoulious DOP, e tamén o sábado 30, pero xa pola tarde, ás
20:00h contarase con Tulip, que achegará a banda sonora de 3 días
de compras nos que participarán as mellores tendas de Cambados,
marcas emerxentes, xunto a obradoiros sobre moda e visitas de
influencers chegados de diferentes partes do ámbito estatal.
Amais,
polo Desmarket tamén pasarán os impulsores da plataforma
Enoturismoriasbaixas.com,
que van organizar catas de viño, cervexa e vermú durante o evento.