O Concello de Vigo dixitalizará 133.307 páxinas do Arquivo Xeral Municipal
martes, 10 de agosto do 2021
O
Concello
de Vigo aprobou a solicitude de subvención á Axencia para a
Modernización Tecnolóxica de Galicia (AMTEGA) para a dixitalización
do patrimonio cultural de Vigo. O obxectivo é o tratamento
informatizado de 133.307 páxinas do Arquivo Xeral municipal.
O
importe é de 88.716 euros e está cofinanciado cos Fondos Europeos
FEADER. Trátase de documentos que van desde o século XV ata o XX
que que agora son custodiados polo Concello.
O
alcalde Abel Caballero enumerou a escolma feita de arquivos, que,
segundo dixo, permitirá unha mellor conservación e acceso ao
público xeral.
Entre
os documentos están o Libro de Actas da Xunta Municipal del Concello
de Bouzas, outros libros do Concello de Bouzas datados desde 1599 ata
1751, libros das actas do pleno do Concello de Bouzas, libros das
actas da Xunta Municipal de Lavadores, libro das actas da Comisión
Municipal Permanente de Lavadores, libros de actas do pleno de
Lavadores, fondos del Marquesado de Mos e Valadares e o Marquesado de
Valadares.