O Concello de Vigo destinará 120.000 euros a impulsar a eAdministración
mércores, 25 de setembro do 2019
O
Concello
de Vigo anunciou esta semana que vai investir 120.000 euros para
simplificar e reforzar a tramitación electrónica. Este proxecto
de fortalecemento da eAdministración, “unha actualización do
servizo de rexistro para facer máis doada a relación entre a
cidadanía e o Concello”, foi aprobado este martes 24 pola xunta de
goberno.
En
palabras do Concello de Vigo, o obxectivo é “seguir reforzando o
servizo electrónico para os cidadáns cun novo sistema informático
de rexistro entrada/saída facilitando e simplificando a relación da
cidadanía coa Administración local”. Este novo modelo, ademais de
beneficiar a comunicación externa coa veciñanza e as empresas,
mellorará a conectividade interna. “Trátase dun avance na
automatización do funcionamento do rexistro municipal, reducindo os
tempos e as cargas administrativas”, engadiron fontes do Goberno
local.
