O Concello de Brión convoca tres novos cursos de informática
xoves, 8 de marzo do 2012
De aquà ao vindeiro 30 de
marzo, as persoas interesadas en adquirir coñecementos básicos de Power Point
ou Microsoft Word 97, teñen aberto o prazo para inscribirse nos cursos que vai
levar a cabo o Concello coruñés de Brión, un dos máis comprometidos de Galicia en
incorporar as TIC no dÃa a dÃa dos seus veciños e veciñas.
Serán dous cursos de
Power Point, o software de Microsoft deseñado para facer presentacións multimedia
con diapositivas, e un a maiores de tratamento de textos, de utilidade para as
persoas interesadas en crear documentos de seu.
Os tres cursos
celebraranse no Telecentro de comunicacións de Brión a partir do vindeiro mes
de abril, e a admisións dos alumnos realizarase por estrita orde de inscrición,
tendo preferencia os veciños e veciñas do Concello.
O curso de Microsoft Word
2007 terá lugar os martes e xoves entre o 17 de abril ao 28 de xuño en horario
de 20:00 a 22:00 horas, e terá unha cota única de 50 euros.
No caso dos cursos de
Power Point, a organización oferta a posibilidade de organizar grupos de mañá (en
horario de 10:30 a 12:30 horas), e de tarde (entre as 20:00 e as 22:00 horas).
Neste caso as clases terán lugar os luns, mércores e venres entre o 23 de abril
e o 16 de maio, e o prezo total polas 20 horas lectivas é de 30 euros.
As persoas interesadas en
inscribirse poden facelo acudindo persoalmente á Casa da Cultura do Concello de
Brión, ou chamando ao teléfono 981 509 908, onde recibirán máis información se
o desexan.
