O Concello de Boiro dixitaliza os recursos turísticos locais, que poderemos coñecer a fondo con códigos QR
martes, 7 de marzo do 2023
O
Concello de Boiro, froito do seu intenso traballo dixitalizando os
recursos turísticos do municipio, presentou unha iniciativa
tecnolóxica que facilita a visitantes e residentes o coñecemento
dos tesouros locais e faino a través dun sistema de información
dixital multilinguaxe. O sistema foi dado a coñecer polo concelleiro
de Turismo, Carlos Muñiz, este martes 7 de marzo dende o Consistorio
boirense.
Segundo
fixo saber o edil, o proxecto responde a unha fonda transformación
dos sectores máis relacionados co turismo, mergullados nun proceso
de dixitalización que é máis acelerado cá media da economía
española e que “nos próximos anos será clave que estes sectores
sexan quen de adaptarse e facer unha aposta clara pola innovación e
mellorar a súa capacidade de crecemento a longo prazo”.
O
acceso á información do concello de Boiro está pensado mediante o
escaneo de códigos QR que estarán instalados nos puntos de
referencia turística sen necesidade de descargar ningunha aplicación
móbil. “Cada recurso”, comentou Carlos Muñiz, contará cun
texto explicativo, unha galería de imaxes e un audio en catro
idiomas: galego, castelán, inglés e francés.
Neste
momento estase a traballar na confección das guías dos recursos
para a instalación dos códigos QR, que estarán dispoñíbeis nas
vindeiras semanas e iranse ampliando co tempo para chegar ao maior
número de recursos turísticos e información posíbel.