O Concello da Coruña renovará o deseño do seu portal web en abril
luns, 4 de marzo do 2019
A concelleira de Participación e Innovación Democrática da
Coruña, Claudia Delso, presentou esta mañá o proxecto de mellora do portal web municipal herculino, que a
partires do mes de abril presentará un novo deseño e reestruturación da
información, ademais de reagrupar máis de 40 páxinas webs municipais nunha
mesma plataforma.
Delso asegurou que o novo espazo «será un portal web máis sinxelo, que
responderá ás demandas informativas da veciñanza que recibimos a través do 010
e da analÃtica web, e cun deseño máis adaptado aos novos tempos nos que o
acceso é, maioritariamente, a través de dispositivos móbiles», engadindo que o
obxectivo da mellora «non é outro que atender unha demanda continua, ademais
dun compromiso da axenda dixital deste goberno, como é o de contar cun portal
que sexa unha ferramenta útil e accesible, deseñada e planificada para o uso da
veciñanza e que fomente, realmente, a interacción entre a administración e a
cidadanÃa».
O novo portal culmina un proceso participado pola
Administración local, asesorÃa externa e a propia veciñanza. «En setembro de
2017 puxemos en marcha un estudo de usabilidade e experiencia de usuario e para
coñecer o uso real do portal por parte da veciñanza, as súas necesidades de
información, os servizos máis demandados e que non existen no portal, e dar coa
proposta de organización dos contidos máis próxima á cidadanÃa», explicou a
edil. No marco desde proceso, realizouse unha enquisa
voluntaria á veciñanza sobre o uso do web, no que participaron 1.890
persoas, ademais de diversas consultas a persoal experto e un test con usuarias
e usuarios habituais do portal. Durante todo este perÃodo, tivo lugar tamén, de
xeito continuado, unha revisión da analÃtica web e, finalmente, recolléronse
1.216 opinións e achegas das usuarias de páxinas e servizos. A través desta
consulta, e logo dos traballos previos, detectáronse cuestións sobre a
navegación no actual portal que impedÃan un acceso claro aos contidos
solicitados, especialmente a través de dispositivos móbiles, que supoñen o 60%
dos accesos.
A primeira fase da implantación das melloras, que inclúen un novo
menú por temas, buscador e configuración principal, está prevista para o
mes de abril. Logo das primeiras semanas de posta en marcha e uso por parte da
veciñanza, e de recibir as súas achegas, iniciarase o desenvolvemento da
segunda fase de melloras, que inclúe a implantación da organización por
distribución xeográfica (a través do Mapa de Distritos) ou incluso por perfÃs
de idade ou interese.
VÃdeo de presentación das novidades que incorporará o portal web municipal herculino