O Clúster TIC lidera en Galicia un proxecto europeo de aceleración do emprendemento feminino: The Break
martes, 23 de maio do 2023
O
Clúster TIC Galicia lidera o programa The Break na comunidade
autónoma como entidade receptora e impulsora de 16 proxectos de
emprendedoras europeas. O obxectivo desta iniciativa, de ámbito
nacional, é atraer talento feminino a España doutros paÃses de
Europa para crear unha rede de emprendemento e intercambio de
experiencias a nivel europeo. Está deseñada pola Escola de
Organización Indrustrial (EOI) e promovida pola The Break Alliance,
integrada por Impact Hub, Mentors day e Startups.st.
En
Galicia, son cinco as organizacións locais adscritas ao programa,
PymeOn, Fundación Roberto Rivas, Sende e Anceu coliving, ademais do
Clúster TIC. Esta última é a que acolle un maior número de
emprendedoras, 16 en total, das máis de 75 que forman parte de The
Break a nivel galego. No resto do territorio español, hai 27
entidades seleccionadas e ao redor dun millar de mulleres cunha idea
de negocio, MVP ou cunha empresa con menos de cinco anos de vida.
Coa
súa participación neste programa, o Clúster TIC Galicia busca
posicionarse como entidade impulsora de proxectos tecnolóxicos de
emprendemento a nivel europeo e contribuÃr a reivindicar e mostrar
Galicia e o seu talento no ámbito nacional e internacional.
Crear
impacto na comunidade
Outra
das finalidades da iniciativa é promover o desenvolvemento local e
xerar impacto na comunidade receptora. Con este obxectivo, as
breakers culminarán o programa de aceleración cunha
inmersión en Galicia do 20 de maio ao 13 de xuño.
Durante
a súa estadÃa desenvolverán un reto que consistirá en inspirar ás
novas xeracións poñendo en valor as profesións STEM (acrónimo en
inglés de Ciencia, TecnoloxÃa, EnxeñarÃa e Matemática) a través
de relatorios e actividades en centros educativos de MuxÃa e Cee.
Deste xeito, mediante a súa propia experiencia, visibilizarán
algunhas das oportunidades e vantaxes que ofrece o sector
tecnolóxico, como traballar en remoto, para contribuÃr a fixar a
poboación no rural.
60
horas de formación e mentoring
O
espazo de traballo das emprendedoras participantes será o Coworking
do GaiásTech, situado na Cidade da Cultura, a través dun acordo de
colaboración entre o Clúster TIC Galicia e a Axencia para a
Modernización Tecnolóxica de Galicia (AMTEGA). Neste centro
recibirán máis de 60 horas de formación e sesións de mentoring
grupais e personalizadas, segundo as necesidades de cada proxecto e
da man de expertos en diferentes áreas de negocio.
Ademais,
visitarán distintas empresas socias do Clúster TIC e manterán
encontros con varias entidades de emprendemento para coñecer outras
iniciativas locais e establecer novas alianzas de negocio.