O CiTIUS lidera a rede española de investigación para unha IA fiable
venres, 23 de xuño do 2023
Intelixencia
artificial fiable: retos técnicos, éticos, legais, culturais e socioeconómicos é o nome completo de TELSEC4TAI, a nova rede de investigación
nacional que coordinará
o Centro Singular de Investigación en TecnoloxÃas Intelixentes da USC (CiTIUS),
financiada pola Axencia Española de Investigación (AEI) e o Ministerio de
Ciencia e Innovación no marco do Programa Estatal para Impulsar a Investigación
CientÃfico-Técnica e a súa Transferencia, do Plan Estatal de Investigación
CientÃfica, Técnica e de Innovación 2021-2023. A través de TELSEC4TAI, o CiTIUS
pasa a liderar a rede cientÃfica que se encargará de velar por unha
Intelixencia artificial (IA) fiable en España.
A rede temática
reúne a doce grupos de investigación amplamente recoñecidos, tanto a nivel
estatal como internacional, co fin de crear unha comunidade forte que poida
liderar a investigación no campo da Intelixencia Arficial fiable,
fomentando a colaboración con outros grupos de referencia internacionais e coa
industria, asà como entre os seus propios integrantes.
O investigador do
CiTIUS José MarÃa Alonso, coordinador da rede, resume, en poucas palabras, o
obxectivo principal desta nova alianza: «aspiramos a xerar conciencia social
sobre a importancia de avanzar cara a unha nova xeración de dispositivos
intelixentes, que respecten e fomenten os principios de non discriminación e
equidade, con capacidade de explicar as súas decisións de forma comprensible
para as persoas».
«TELSEC4TAI non
só está aliñada co Regulamento Xeral de Protección de Datos (RGPD), que
recoñece o dereito dos cidadáns para reclamar explicacións das decisións
automatizadas derivadas dos datos persoais», continúa José M. Alonso, «senón
tamén coa nova regulación europea sobre IA (AI Act) votada polo
Parlamento Europeo este mes, destacando a importancia de desenvolver unha IA
centrada nas persoas, para facer aos cidadáns máis informados e capaces de
tomar mellores decisións», explica.
A nova rede bota
a andar fixándose os seguinte obxectivos: maximizar a colaboración entre os
membros da rede, con especial interese na investigación multidisciplinar;
maximizar, ao mesmo tempo, as oportunidades para a mocidade investigadora con
talento neste campo; fomentar a internacionalización e o recoñecemento da
investigación realizada en España; e impulsar a colaboración entre a academia,
a industria e o sector público no desenvolvemento e uso da IA. «A través das
accións propostas, búscase tamén a concienciación social sobre a relevancia de
dispor dunha IA fiable para afrontar os retos sociais, obxectivo transversal
para a rede», conclúe José M. Alonso.
Accións destacadas
Para alcanzar
estes obxectivos, a rede poñerá en marcha diferentes accións. Entre elas, o
fomento da coautorÃa de publicacións, a co-supervisión de estudantes e a
solicitude de propostas de proxectos conxuntos. Tamén promoverá a organización
de titoriais, talleres e sesións especiais en congresos internacionais, asÃ
como estancias de investigación, xornadas de debate e escolas de verán.
Para impulsar a
cooperación coa industria, habilitarase un foro de debate que fomentará a
creación de pilotos, probas controladas, ou certificacións voluntarias, entre
outras. Ademais, fomentarase a divulgación cientÃfica con actividades a través
da web, redes sociais e a participación en eventos de divulgación cientÃfica.
A rede que agora
nace está aliñada cos obxectivos da ENIA (Estratexia Nacional Española de IA),
e por iso centrarase en impulsar a educación, a formación e a atracción de
talento, esforzándose por xerar unha contorna de confianza asociada á IA. Con
este propósito, promoverá unha IA centrada no ser humano consciente da ética
para o benestar social, e desenvolverá unha IA inclusiva e sostible.