O Centro de Excelencia de Vigo amosa este xoves casos concretos de transferencia tecnolóxica local
luns, 25 de novembro do 2013
Esta semana, máis polo
miúdo o 28 de novembro, teremos en Vigo unha boa oportunidade para
coñecer de primeira casos concretos de transferencia tecnolóxica, é
dicir, exemplos concretos de investigacións xurdidas dos centros de
I+D e das universidades que foron aplicados e desenvolvidos con éxito
no noso tecido empresarial. A
cita en cuestión vén do Centro de Excelencia de Vigo, e trátase
dunha xornada dirixida a amosar casos concretos do devandito,
experiencias en proxectos colaborativos universidade-empresa e
exemplos de viabilidade económica e social. Segundo explican fontes
do Centro, cómpre que teñamos sempre en conta o potencial das
universidades para impulsar o sector TIC.
De feito, din, as
universidades realizan hoxe en día unha parte moi considerable da
Investigación e o Desenvolvemento (I+D) estatal, e como centros de
investigación e docencia dispoñen de medios e recursos a través
dos que xeran resultados que poden ter aplicación na contorna
socio-económica.
A actividade está
especialmente dirixida a empresarios, industriais, investigadores,
centros tecnolóxicos, asociacións e en xeral a calquera persoa ou
entidade interesada nos resultados de I+D+i.
A continuación, damos
conta do programa.
09:30h. Rexistro de
asistentes
10:00h. Apertura da
xornada
Regina Carreira.
Vicexerente de Internacionalización da Universidade de Vigo.
10:15h. Control de
convertidores electrónicos de potencia en aplicacións de enerxías
renovábeis e Smart Grids.
Jesús Doval.
Profesor-investigador da Universidade de Vigo.
10:45h. Da idea á
realidade dunha empresa biotecnolóxica: Nanoimmunotech.
África González.
Profesora-investigadora da UVigo.
11:15h. Quenda de
preguntas
11:30h. Pausa
12:00h. Ecodraga: dragado
ecolóxico para a limpeza por succión de fondos mariños
Isabel Fernández.
Investigadora da Universidade de Vigo.
12:30h. Que facemos hoxe?
Lorenzo Pastrana.
Profesor-investigador da Universidade de Vigo
13:00h. Quenda de
preguntas
13:15h. Mesa redonda
14:00h. Fin da xornada