O Centro Tecnolóxico Lácteo de Galicia-Aula de Produtos Lácteos asina máis dun contrato por semana con empresas do sector
martes, 11 de maio do 2010
O
Centro
Tecnolóxico Lácteo
de Galicia vén de cumprir o seu primeiro ano de actividade cunha
bagaxe que dá continuidade a todo o labor de investigación e colaboración co
sector empresarial na que dende hai vinte anos traballa a Aula de Produtos
Lácteos (APL) da Universidade de Santiago, agora integrada no propio Centro.
As cifras non deixan lugar á dúbida sobre a transcendencia económica dunha
iniciativa que xera emprego e oportunidades de negocio nun sector clave en
Galicia. En 2009 entre o Centro Tecnolóxico Lácteo de Galicia-APL
facturou 1.148.052 millóns de euros e xeraron 22 postos de traballo directos
aos que hai que sumar os trinta alumnos que traballaron no seu Obradoiro de Emprego. O número de contratos con empresas foi de 77,
máis dun por semana. "A nivel nacional temos as mellores instalacións e
ofrecemos o mellor servizo. Por iso veñen a traballar connosco empresas de
AndalucÃa, Valencia ou Cataluña. Temos a tecnoloxÃa e a capacidade para
investigar e montamos unha estrutura en produtos lácteos sen parangón en
España", detalla Juan
Méndez Dónega, director do Centro, situado
no Recinto Feiral de Lugo.
A implicación do tecido empresarial resulta clave para alcanzar tan elevado
nivel de actividade. Dez das principais empresas galegas do sector conforman a
maiorÃa do padroado da fundación de carácter privado que dirixe o Centro, no
que tamén se integran a Xunta
de Galicia, as Universidades de Vigo
e de Santiago de Compostela, pero ademais a filosofÃa do Centro, mesmo cando
aÃnda non tiña esta catalogación, sempre foi a de estar preto das empresas. «Fomos pioneiros na vocación de servizo cara
a elas, de aà que a evolución cara a centro tecnolóxico fose natural porque
ademais era unha demanda latente», apunta Méndez Dónega.
Esa
demanda sostense por un ámbito, o do sector lácteo en Galicia, que ten un
volume de negocio próximo aos 1.000 millóns de euros anuais. As solucións que
lles poden ofrecer a transferencia de resultados de investigación para
desenvolver novos produtos ou melloras os xa existentes resultan vitais para a
súa pervivencia. Para iso o Centro Tecnolóxico Lácteo de Galicia precisa crecer, estima o seu
responsable. «Se non o facemos poderemos
incorporar novas tecnoloxÃas nin tampouco abrir as novas liñas de negocio que
nos demandan», advirte.
Existen claras opcións para conseguir ese crecemento ao que alude Méndez. Unha das claves é a dispoñibilidade de espazo.
Para habilitalo, a Universidade de Santiago
dispón de dez millóns de euros procedentes de fondos europeos que hai que
inverter antes de 2013. Ademais unha eventual fusión co embrionario Centro
Tecnolóxico Agroalimentario de Lugo
poderÃa axudar a sumar esforzos. «Estamos
pendentes do chan para a construción de novas instalacións, pero hai que actuar
pronto e de xeito efectivo. A fusión co CETAL
pode axudar sempre que non supoña unha perda da nosa identidade e poidamos
desenvolver e mellorar a mesma actividade de servizo ao sector lácteo que vimos
realizando durante os últimos vinte anos», comenta Méndez Dónega,
que pon como condicionante esencial que se garanta a estabilidade laboral de
todas as persoas que traballan no Centro.