O Campus de Ourense recibe 231.200 euros para accións culturais e de investigación
venres, 1 de abril do 2011
- José Luis Baltar e Salustiano Mato na sinatura dos acordos
A Universidade de Vigo e a Deputación de
Ourense veñen
de renovar os seus acordos en materia de innovación tecnolóxica e cultural.
O obxectivo de ámbalas entidades é procurar alternativas á tendencia xeral que
se impón en tempos de crise: a de reducir os apoios á cultura e á investigación
en beneficio doutros eidos de eficacia teoricamente máis directa e inmediata. O
acordo asinado onte, que ascende a 231.000 euros, vaille permitir ao Campus de
Ourense levar a cabo unha extensa programación cultural, ao tempo que afondará
na súa aposta a prol da mobilidade dos estudantes e dos traballos en
investigación. Na sinatura participaron o reitor Salustiano Mato e máis o
presidente da Deputación, José Luis Baltar.
Xa nun plano máis concreto, o convenio
abrangue o financiamento de actividades de extensión universitaria, cursos de
verán, conferencias, relatorios, seminarios, obradoiros e exposicións, roteiros
culturais, actividades teatrais e demais accións culturais que organiza o
campus de Ourense.
Ademais, o convenio financiará o programa de
apoio á mobilidade estudantil para o alumnado do campus de Ourense integrado no
programa ERASMUS e o programa especÃfico de apoio a grupos de investigación do
campus de Ourense (InOu 2010-2011).
