O CPEIG participa este sábado no Día da Ciencia
mércores, 5 de outubro do 2016
- O científico galego Ignacio Ribas
A Real
Academia Galega das Ciencias (RAGC) organizará este sábado 8 de
outubro unha nova edición do Día da Ciencia, un acontecemento
que vai servir para amosar a importancia de seguir apostando dende
todas as frontes polo nos potencial científico e, nun plano máis
concreto, para render homenaxe a Ignacio Ribas, distinguido como
Científico Galego 2016, e no que se lle entregará un premio ao
xornalista Raúl Romar. O acto desenvolverase na Aula Magna da
Facultade de Química, no Campus Vida (USC). Expresamente
están convidadas/os todas as colexiados e colexiadas do Colexio
Profesional de Enxeñaría en Informática de Galicia (CPEIG) a
través do propio presidente da RAGC, Miguel Ángel Ríos González.
Coa homenaxe deste sábado ao científico Ignacio
Ribas, a RAGC quere “reivindicar a importancia da investigación a
través das súas figuras máis destacadas”. O recoñecemento, que
coincide co vixésimo aniversario do pasamento do investigador, foi
aprobado unanimemente polas/os académicas/os, quen tiveron en conta
“o papel de Ribas como artífice do despegue da química orgánica
en Galicia”.
Dentro tamén dos actos conmemorativos do Día da
Ciencia tamén se fará entrega do I Premio Galicia de Xornalismo
Científico, que será recollido polo xornalista de La Voz de Galicia
Raúl Romar.