O CPDI da Xunta axudará ao avance da eAdministración nos Concellos galegos
xoves, 11 de outubro do 2012
- Durante o Consello da Xunta informouse dos plans de desenvolvemento da eAdministración grazas ao CPDI
No Consello
da Xunta de Galicia celebrado esta mañá en San Caetano deuse
conta do Catálogo de servizos dixitais compartidos entre a Administración
autonómica e as locais da nosa comunidade para o desenvolvemento da
Administración Electrónica, papel que recae na Axencia Galega para a
Modernización Tecnolóxica de Galicia (AMTEGA) e que sustentarase no novo Centro
de Proceso de Datos Integral (CPDI) sito na Cidade da Cultura.
Para o avance da eAdministración realizarase un investimento de 6,7 millóns de
euros financiados con fondos FEDER durante o perÃodo 2012-2013 para poder
continuar asà cos avances neste eido, o que reverterá na cidadanÃa con servizos
dixitais de máis calidade, dispoñibilidade e seguridade.
Para implantar este catálogo de servizos dixitais crearase unha plataforma
tecnolóxica que facilite o intercambio de información entre as administracións
públicas galegas e destas coa Administración xeral do Estado. Este nodo de
interoperabilidade permitirá que o cidadán non teña que presentar aquela
documentación que xa consta en poder das administracións.
A
infraestrutura chave que permitirá a interoperabilidade e a prestación de
servizos conxuntos ás entidades locais é o CPDI da Xunta, que entrou en
funcionamento o pasado mes de setembro, e estará a disposición das entidades
locais para aloxar os seus servizos dixitais e servir como centro de respaldo.
- Adrián Lence, director da área de Infraestruturas e Telecomunicacións, e Mar Pereira, directora da AMTEGA, amosaron as instalacións do novo CPDI aos medios tras a súa posta en marcha o mes pasado
De cara aos cidadáns establécese a ampliación do catálogo de procedementos telemáticos,
seleccionando os 100 máis relevantes para facilitar a súa implantación en concellos
e deputacións. Tamén se pon en marcha un sistema integrado de rexistro para que
o punto de entrada da documentación que presenta o usuario sexa único, independentemente
do seu destino.
No eido empresarial o obxectivo é establecer un portal común de licitación
electrónica que dea cobertura á tramitación telemática dos procesos de
contratación pública que realizan as entidades locais. Nesta liña porase á
disposición de concellos e deputacións unha plataforma de factura electrónica
para o rexistro e seguimento das facturas presentadas polos provedores.
Outra das liñas de actuación previstas é a posta á disposición das entidades
locais dun servizo de tradución automatizada para acadar un mellor uso da
lingua nos ámbitos administrativos e xurÃdicos e continuar a facilitar o acceso
a outros recursos como o repositorio xurÃdico.
En canto aos servizos comúns de Administración electrónica, implantarase unha plataforma
de notificacións electrónicas común que permitirá aos cidadáns dispor dunha
caixa única para a recepción das notificacións de calquera Administración
pública galega. O catálogo de servizos tamén prevé o desenvolvemento do arquivo
dixital integrado para a documentación administrativa e a prestación de
servizos de aloxamento e custodia de patrimonio documental.
Ademais,
continuarase prestando o servizo de acreditación dixital a todas as entidades locais,
grazas ao convenio entre a Xunta e a Fábrica Nacional de Moeda e Timbre, que permite
que teñan cubertas de xeito gratuÃto a obtención de certificados dixitais para asinar
documentos electronicamente.