O CPAE 2.0 iniciará a vindeira semana as súas actividades formativas
venres, 4 de abril do 2014
- Amancio Varela e Ana Isabel Vázquez participaron na inauguración da nova oficina en Pontevedra
O Centro de Asesoramento Empresarial en Novas TecnoloxÃas (CPAE
2.0) que impulsa a Deputación de Pontevedra porá en marcha, a partir
da vindeira semana, un amplo programa de actividades formativas tanto na súa
sede central, inaugurada onte, como nas oficinas de LalÃn, Cambados,
Ponteareas, O Porriño e Vigo, tal e como manifestou o responsable de Novas
TecnoloxÃas da Deputación, Amancio Varela, no acto
de presentación da oficina de Pontevedra (sita no Edificio Administrativo
da Deputación), no que tamén participou a deputada Ana Isabel Vázquez.
Os autónomos e microempresas da provincia terán asà á súa
disposición cursos de formación práctica en materias coma o uso dos
certificados dixitais e do DNI electrónico, o marketing en liña, a mellora da reputación en liña, a xestión
informática de compras e vendas, a seguridade informática e, incluso,
información sobre subvencións e axudas para a implantación das Novas
TecnoloxÃas nas empresas. As clases terán un contido eminentemente práctico e,
para un mellor aproveitamento, impartiranse en grupos reducidos de entre 10 e
12 persoas.
Trátase da quinta oficina que se pon en marcha como parte
dunha rede de seis centros, que dará servizo ós máis de 64.000 autónomos e
microempresas existentes na provincia e que se completará coa próxima apertura
do punto de asesoramento de Vigo.
Esta oficina central contará con cinco técnicos que non só
responderán ás consultas que se lles formulen senón que serán proactivos, organizando
diferentes actividades formativas e de asesoramento e impulsando unha
plataforma de comercio virtual.
Os empresarios poderán atopar orientación sobre como aforrar
nas comunicacións da empresa; xestionar un negocio en liña; controlar o
inventario da empresa desde un dispositivo móbil; poñer en marcha
plataformas de comercialización a través da rede; ou que ferramentas de xestión
poden ser da súa utilidade.
- O CPAE 2.0 contará cun amplo programa de actividades formativas