O CITIC formou parte do encontro sobre intelixencia cognitiva organizado por IBM
luns, 14 de marzo do 2016
O
Centro
de Investigación TIC da Coruña (CITIC) era convidado pola
multinacional IBM a participar no Encontro
de CXO’’s en Galicia,
celebrado o pasado 8 de marzo en Santiago de Compostela. A dita
xuntanza tivo como eixo central a Transformación
Dixital,
coa computación cognitiva e as contornas cloud
(computación
na nube) como
elementos de diferenciación fundamentais, temática aliñada coa
área Tecnolóxica de Percepción, Cognición e Iteración do CITIC.
E indo á presenza do CITIC neste encontro, dicir que Jesús M. Díaz
(responsábel da oficina de Transferencia Tecnolóxica do CITIC) foi
a representante elixida do centro coruñés para asistir ao evento
organizado por
IBM.
De
feito, o obxectivo desta compañía
das novas tecnoloxías da información está en reunir aos axentes
chave do panorama dixital (axentes como os investigadores do CITIC) e
que, nas súas palabras, contribúan a demostrar que “a computación
cognitiva, as contornas en cloud
e a súa combinación son a aposta gañadora nos diferentes sectores
de actividade”.
A
apertura do encontro correu a cargo de Santiago Bollaín (director
Mediana Empresa para España) e proseguiu coa intervención de
Ignacio Armesto (do departamento de Enxeñaría de Sistemas e
Automática da Universidade de Vigo) sobre tendencias e aplicacións
da robótica industrial na Industria 4.0. Despois foi a quenda de
Mariano Garrido (Industry Solution Architect de IBM) quen falou de
Computación Cognitiva e IBM
Watson<,
sistema informático de intelixencia
artificial capaz de responder a preguntas en linguaxe natural. Entre
os seus logros, derrotar a dous opoñentes humanos no concurso de
televisión estadounidense Jeopardy!.
Logo
da intervención de Leo Ponte (CIO de Adolfo Domínguez), abrangueuse
a temática da Transformación Dixital da man de Antonio
Rodríguez (director de Vendas Cloud SPGI en IBM).