O CITIC colabora co I Encontro Makers pola Discapacidade Física e Orgánica
xoves, 20 de maio do 2021
Este
29 de maio vaise celebrar en formato virtual o I
Encontro Maker pola Discapacidade Física e Orgánica. O evento
está organizado pola Confederación de Persoas con Discapacidade
Física e Orgánica de Castela e León, e conta coa
colaboración da Universidade de Burgos e do CITIC (Centro de
Investigación TIC) da Universidade da Coruña.
A
cita dará comezo ás 9.30 horas e será unha ocasión inmellorábel
para verificar o importante esforzo que o ámbito tecnolóxico
(usuarios e desenvolvedores de a pé, empresas, entidades, centros
tecnolóxicos e de investigación, grupos de universidades) está a
despregar para levar as novas ferramentas a todos os colectivos e
mellorar, con elas, a calidade de vida das persoas con diversidade
funcional ou cognitiva.
É o
caso do CITIC, cuxo subdirector, Javier Pereira, presentará aos
asistentes as capacidades do centro e as súas principais liñas de
investigación en TIC aplicadas ao ámbito da diversidade funcional,
centrándose principalmente no proxecto Talentos Inclusivos.
Participará
tamén a investigadora Thais Pousada impartindo un taller avanzado de
impresión 3D e o investigador Manuel Lagos, quen intervirá na
primeira mesa de experiencias.
Segundo
informa o CITIC, o encontro está exposto “como un espazo de
aprendizaxe compartida, sinerxías e colaboración entre terapeutas
ocupacionais, enxeñeiros, makers particulares, asociacións,
makers sen ánimo de lucro e organizacións de persoas con
discapacidade física e orgánica”. Todos eles compartirán
coñecementos e solucións innovadoras, creativas e económicas que
poidan facilitar a superación de barreiras aos devanditos
colectivos.