O CESGA convoca a nova edición da súa escola de verán para programadores do eido cientÃfico
xoves, 17 de marzo do 2011
O Centro de Supercomputación de Galicia
(CESGA) vén de
convocar a terceira edición da súa escola de verán, unha iniciativa encamiñada
a emprazar a investigadores e desenvolvedores de programas avanzados nun
escenario formativo onde estean en disposición de mellorar e ampliar os seus
coñecementos. Falamos da CESGA Computational
Science Summer School, actividade a celebrar do 4 de xullo ao 30 de
setembro e que dará acubillo a licenciados, enxeñeiros, investigadores e
programadores especializados en programación cientÃfico-técnica, tanto do eido
da ensinanza como do empresarial.
A iniciativa formativa, por certo, tamén está
encamiñada a achegarlle coñecemento de valor a aqueles profesionais que queiran
tirar o máximo partido das novas arquitecturas de procesadores.
Máis en detalle, e segundo avanza o propio CESGA, os obxectivos da actividade
son os seguintes: achegar capacitación no desenvolvemento de aplicacións cientÃficas
de cálculo intensivo e fornecer de capacitación na programación de ferramentas
de computación paralela.
O curso artéllase en dous niveis centrados
cada un no cumprimento das devanditas finalidades. Para conseguir unha
información máis exhaustiva sobre os contidos e os obxectivos, cómpre acceder a
un documento
en formato PDF especialmente habilitado na Rede polo CESGA.