O CDTIC e Compostela Monumental mostran este martes como pór o noso universo dixital en orde
luns, 27 de abril do 2020
A
Asociación Compostela Monumental, en colaboración co Centro
Demostrador TIC (CDTIC) de Galicia, prosegue esta semana a súa
formación tecnolóxica online e de balde, poñendo o foco en
incrementar a formación e a competitividade do sector comercial de
empresarial de cara á actual tempada de crise sanitaria e, sobre
todo, con vistas a cando a situación se normalice e os
establecementos poidan volver á exercer a súa actividade. Este
martes dÃa 28 de abril celebrarase a charla Tudeo: algunhas
claves para poñer o teu universo dixital en orde.
A
sesión será impartida polo enxeñeiro en Telecomunicacións e
profesional da xestión de proxectos innovadores Rafa GarcÃa. A
charla achegarase por medio de streaming, en
horario de 10:00 a 10:45 horas, e no seu transcurso explicaranse as
claves do universo dixital, que ferramentas escoller e as mellores
prácticas na organización de cartafol e ficheiros.
Éxito
dos cursos online
Compostela
Monumental puxo o punto e final, a semana pasada, a dous cursos
online que resultaron ser un éxito de participación: por
unha banda TIC, redes sociais e marca persoal, e pola outra
Manipulación de alimentos, ambos dos dous destinados a
impulsar a formación e a empregabilidade das mulleres.
O
primeiro tivo como obxectivo dar a coñecer ás alumnas as distintas
redes sociais existentes de face á procura de emprego e aprender a
xestionar a marca persoal de cada unha delas. Teresa Hernández,
técnica orientadora de Compostela Monumental foi a encargada de
impartir esta acción formativa de 15 horas. Ao mesmo tempo, levou a
cabo, tamén online, o Curso de Manipulador de Alimentos,
impartido por Recursos Galicia cunha duración de 10 horas. As
alumnas participantes no mesmo adquiriron os coñecementos básicos
en materia de hixiene e seguridade alimentaria.
Estas
accións forman parte do itinerario formativo de turismo e comercio
do programa integrado de emprego de Compostela Monumental en
colaboración coa Dirección Xeral de Orientación e Promoción
Laboral da Xunta de Galicia.