Novicrea 4.0 adestrou en TIC a 20 desempregados da comarca de Celanova
luns, 6 de agosto do 2018
Hoxe
rematou unha iniciativa ourensá destinada a crear emprego a través
dunha fórmula segura: a fórmula da innovación e as novas
tecnoloxías, tanto dende o punto de vista puramente formativo como
en materia de proxectos de emprendemento. Estamos a falar de Novicrea
4.0, un proxecto posto en marcha polos Concellos de Celanova, Verea e
Bande, co apoio den entidades como o
Colexio Profesional de Enxeñaría en Informática de Galicia
(CPEIG) e a Consellería de Economía e Emprego. Precisamente
o conselleiro Francisco Conde foi o encargado de presidir o acto de
clausura dun obradoiro estendido no tempo no que participaron,
formándose e ampliando horizontes profesionais, 20 persoas da
comarca.
Esta
actividadefoi coordinada por Antonio Piñeiro, cuxo obxectivo
baseouse en fornecer un taller de emprego que tamén fose un espazo
de exploración para proxectos formativos de futuro, proxectos
relacionados directamente coas TIC.
Tematicamente
o Obradoiro de Emprego das Novas Industrias Creativas (Novicrea 4.0)
adicouse por completo ás novas tecnoloxías da información,
apostando por novos viveiros de emprego relacionados coa industria
4.0. As sesións, máis polo miúdo, impartiron catros módulos de
novas tecnoloxías nos ámbitos da información a gran escala (Big
Data), o audiovisual e os produtos multimedia, o desenvolvemento
de aplicacións e a mercadotecnia.
Durante
os primeiros seis meses, as alumnas e os alumnos recibiron a
formación específica dun destes módulos e os tres restantes
adquiriron coñecementos en materia de inserción laboral, tanto por
conta allea como propia. Así, os participantes desenvolveron, entre
outros, proxectos centrados na promoción turística dos concellos
implicados con apps, campañas de promoción e vídeos
turísticos.
O
conselleiro, na clausura de hoxe, salientou que “o taller permitiu
aos alumnos sumar un novo activo ao seu currículo á hora de atopar
un posto de traballo” e lembrou que “desde 2009 a Xunta leva
investido case 286.000 euros na convocatoria de 662 obradoiros en
concellos de toda Galicia”.