NetLab xunta na Coruña a profesionais da comunicación, o marketing dixital e as redes sociais

O vindeiro sábado celebrarse no espazo de coworking municipal Accede Papagaio na Coruña a segunda edición de NetLab, o laboratorio de profesionais organizado por estati.co, Carmen Porteiro e APM Social que pretende dar a coñecer aos profesionais do sector en liña e ás iniciativas que están a desenvolverse neste contorno, estruturándose a xornada en breves relatorios de casos prácticos e experiencias profesionais.
O NetLab está dirixido a autónomos, emprendedores, PEME, profesionais e interesados en formarse en comunicación, marketing dixital e social media, estando aberta a súa inscrición en liña até o 23 de setembro ao prezo de 10 euros (tendo un recargo adicional as compras de billete posteriores).
Esta completa xornada formativa botará a andar con Andrián Suárez, experto en SEO/SEM e escritor de contidos para videoxogos, quen baixo o título de Traballas en marketing en liña? Entón tes que xogar a videoxogos promete un apaixonante relatorio; colleralle o relevo Sergio Castelo, experto en interfaces de usuario e optimización de comercio electrónico (con experiencia en Zara.com), que afondará no SEO local.
Tras un breve descanso Fátima Andrade e Rocío Díaz entrarán no ámbito da analítica web, chave para o éxito na Rede, e completará a quenda de relatorios o experto en redes sociais Javi Mos, que actualmente colabora coa Radio Galega e administra as redes sociais do Land Rober Tunai Show.
O NetLab pechará cunha mesa redonda moderada por Mapi Baez, social media personal trainer, a quen tamén poderemos ver a semana que vén no III encontro Coruña Bloggers cun relatorio sobre a creación de calendarios editoriais realistas.