Movistar subirá os seus prezos en xaneiro
luns, 20 de novembro do 2023
Tras saberse que Vodafone
subirá un 4,38% as súas tarifas cumprindo o recollido nos seus contratos
(aplicará anualmente a suba do IPC), sabemos agora que tamén Movistar
está a comunicar unha suba de prezos semellante aos seus clientes. A suba
de prezos de Movistar aplicarase a partir do 15 de xaneiro de 2024 e, en vez de
argumentar que é debida á suba do IPC, aseguran que prodúcese para «ofrecer o
mellor servizo» tanto nas súas redes de fibra como de móbil.
A suba de Movistar non se corresponde a unha porcentaxe fixa, senón que trátase
realmente dunha reformulación de tarifas na que os prezos suben en prezos redondos,
de xeito que o paquete básico pasa de 11 a 12 euros/mes, Movistar Max pasa de
57,90 a 59,90 euros/mes e Movistar Ilimitado pasa de 74,90 a 76,90 euros/mes.
