Movistar ofrecerá descodificador 4K antes do verán

Aínda que os contidos en ultra alta definición aínda son moi poucos, os operadores de telecomunicacións están a preparar as súas ofertas audiovisuais para estes contidos, e quen adiantou os vindeiros movementos de Telefónica España foi o seu presidente, Luis Miguel Gilpérez, que segundo recolle o diario Expansión asegura que terá un novo descodificiador 4K antes do verán, de xeito que os consumidores que teñan cun televisor con tal resolución de pantalla poderán gozar de fútbol, baloncesto, MotoGP, películas e series con este elevado nivel de detalle.
Polo momento descoñécense os contidos en concreto que Movistar achegar en ultra alta definición, pero con esta medida resulta evidente que a compañía quere tomar posicións ante a proliferación de contidos en 4K en plataformas como Netflix, HBO ou Amazon Prime Video.

Últimos 7 días para todos

Outro cambio que introduciría Telefónica no servizo Movistar+ sería a función últimos 7 días (que grava a programación dos clientes durante a última semana) que só estaba dispoñible para os clientes coas ofertas máis altas, e que pasará a estar dispoñible para toda a base de clientes de Movistar TV, tanto por ADSL como por fibra óptica, aínda que teremos que agardar varias semanas para ver efectiva esta novidade.