Movistar ofrece aos seus clientes de móbil o Premium de Spotify

A operadora española Movistar e o servizo de música en liña Spotify, veñen de asinar un acordo grazas ao cal os clientes de telefonía móbil da primeira das compañías poderán gozar do servizo Premium de Spotify por un custe de 4,99 euros ao mes (IVE non incluído), durante 24 meses, segundo informa Movistar “o mellor prezo do mercado nacional”. En virtude deste achegamento entre as dúas empresas, o devandito servizo de Spotify chegará aos usuarios españois por un 40% menos do seu prezo habitual (9,99 euros/mes) e acceder baixo demanda a máis de 20 millóns de cancións en calquera lugar. Lembrar que a achega Spotify Premium de Movistar é compatíbel cos sistemas operativos Android, IOS e Windows Phone.
Para acceder a esta oferta o único requisito é ser cliente de móbil de Movistar en España, de contrato ou prepago, residencial ou autónomo, e solicitar o alta do servizo Premium de Spotify a través de calquera das canles habituais. A partir dese intre os clientes verán nas súas facturas ou nos saldos dos seus cartóns prepago cargados mensualmente os 4.99 euros (6,04 IVE incluído) do servizo.