Movistar estende a súa fibra óptica en Catoira

A operadora Movistar vén de informar do importante avance do concello de Catoira en materia de conectividade. Segundo confirmou a compañía, o municipio pontevedrés foi obxecto nas últimas semanas dun “intenso traballo de despregadura de Fibra Óptica até o Fogar”, FTTH polas súas siglas en inglés, en seis núcleos de poboación: Cores, Freixeiro, Portocelo, Condado, Busto e Souto da Vila). Isto permitiu que 63 novas unidades inmobiliarias dispoñan da fibra de Telefónica.
Estas vivendas súmanse ás 207 xa conectadas nos últimos meses ao FTTH de Movistar, o que “supón en total 78% de todas as unidades inmobiliarias de Catoira”, explicou Movistar, engadindo que os fogares conectadores poderán gozar de servizos como por exemplo voz con alta calidade nas chamadas e máxima velocidade de conexión a Internet en varios dispositivos (computador, tableta, móbil) de forma simultánea e sen reducir a velocidade de conexión, entre outras vantaxes. Ademais, se o usuario dispón de MovistarPlus+, terá acceso a canles de alta definición e poderá gozar dos seus contidos mentres navega por Internet, “ademais de conseguir a máxima velocidade e resposta nos xogos en rede”, engadiu Movistar.