Motorola achegará o seu sistema de personalización de smartphones a Europa

Co lanzamento do Moto X a compañía de Google (e actualmente de Lenovo) presumía do seu nivel de personalización, xa que os terminais podían deseñarse á carta, para que o usuario puidese elixir as cores dos seus elementos, gravarlles texto e incluso mudar o seu fondo de escritorio e un texto de benvida a través da web, e este servizo coñecido como Moto Maker, que era exclusivo dos EE.UU., finalmente vai cruzar o océano segundo anuncian no MWC de Barcelona, de xeito que en breve terémolo en Europa, comezando por Reino Unido e Alemaña.
Rick Osterloh asegurou que o Moto Maker podería chegar a Europa durante o segundo trimestre de 2014, o que facilitará que poidamos facernos cun terminal realmente único, dada a enorme cantidade de combinacións de móbiles posibles.
O servizo nos EE.UU. permitía configurar o móbil para recibilo finalmente no fogar nun tempo máximo de 4 días, podendo facerse tal tanto directamente con Motorola ou a través de operadores móbiles (concretamente con AT&T). Entre os acabados dispoñibles para o Moto X, aparte de diversas cores, están dispoñibles 4 texturas de madeira que resultaron moi rechamantes (e que teñen un custo adicional) que pretenden atender a demanda de certo público de ter un smartphone totalmente distinto aos que estamos afeitos.

O funcionamento de Moto Maker visto en vídeo