Mio Technology incorpora a tecnoloxía de Navento nos seus novos teléfonos PDA con GPS

Navento, a compañía de servizos de localización do Grupo Avánzit, vén de asinar un acordo de colaboración con Mio Technology mediante o cal a súa nova xeneración de PDAs con GPS incorporará precargada a aplicación de localización Navento GPS para o mercado europeo.
A primeira fase do lanzamento terá lugar durante o vindeiro mes de novembro para os mercados español e portugués e vaise centrar no A501, que combina teléfono móbil, PDA e GPS.
O devandito acordo ten un gran valor estratéxico para ámbalas dúas compañías xa que é a primeira proposta internacional que combina navegación e localización sobre un mesmo dispositivo GPS comercial. Con el, Navento seguirá ampliando a súa capacidade de comercialización e Mio Technology ofrecerá a novidade da localización nos seus móbiles GPS así como tódolos servizos adicionais de localización de Navento.