Miñones advirte de que as estafas informáticas representan xa un de cada seis delitos en Galicia
xoves, 4 de novembro do 2021
As
estafas informáticas supoñen xa, na nosa terra, un de cada seis
delitos. Así o fixo saber este 4 de novembro o delegado do Goberno
en Galicia, José Miñones, na xornada previa á presentación, na
Coruña, dos equipos @(arroba) da Unidade de Ciberdelincuencia da
Garda Civil en Galicia que se incorpora para previr e loitar contra
estas novas formas de delincuencia.
José
Miñones valoroy o Balance de Criminalidade do terceiro trimestre
de 2021, feito público dende o Portal
Estatístico de Criminalidade polo Ministerio do Interior, e que
revela que en Galicia “coñecéronse 19.077 estafas, un 46% máis
que no mesmo período do ano anterior”, e delas, 12.650 son estafas
cometidas a través de Internet. Segundo engadiu, este tipo de
calotes pola vía online medraron neste primeiros nove meses
do ano un 51,1% en Galicia e este crecemento repercutiu na taxa de
criminalidade alcanzada na Comunidade galega en setembro, que foi de
30,5 delitos por cada 1.000 habitantes, tres puntos máis que na
mesma data de 2020.
