Militantes e simpatizantes socialistas mobilízanse en Facebook contra o canon dixital
mércores, 2 de xaneiro do 2008
A polémica sobre o canon dixital resístese a abandonar a actualidade, e ten repercusión
máis aló da web do PSOE,
chegando agora a Facebook, onde aparece un grupo de usuarios baixo o título de Socialistas contra o
canon dixital, que pretende «abrir
un debate no seo do PSOE e conseguir a retirada do canon dixital na vindeira
lexislatura».
|
Esta iniciativa está impulsada, entre outros, por César Calderón, quen destaca que hai
moitos militantes e cargos públicos do PSOE que se están a posicionar contra a
taxa pola copia privada, coma o Director Xeral de Telecomunicacións e Sociedade
da Información da Xunta de Estremadura, Carlos
Castro; o concelleiro de Badajoz, Miguel Ángel Segovia; ou a eurodeputada Paca
Pleguezuelos, a quen puidemos ver nun vídeo gravado
durante unhas xornadas sobre cidadanía dixital celebrado en Granada.
Ata o momento o grupo de Facebook conta con 114 membros.