Miguel Churruca, nova incorporación á compañía de software Brainstorm Multimedia
mércores, 14 de marzo do 2012
Miguel Churruca, vello coñecido de Código Cero
e do sector TIC galego, onde desenvolveu un importante labor á fronte dunha das
nosas empresas punteiras, Blusens, é a nova incorporación da firma Brainstorm Multimedia. Nesta compañía,
especializada en desenvolvemento de software e visualizacións interactivas en
tempo real, Churruca ocupará o cargo de¨marketing
communications manager, con responsabilidade directa sobre as liñas estratéxicas
de promoción e comunicación, e facendo especial fincapé no desenvolvemento da
presenza en liña da empresa.
Como dixemos, Churruca chega a Brainstorm logo
de dirixir en Blusens o departamento de Marketing e Comunicación. Previamente
estivo durante máis de dez anos en Quantel, ao cargo do soporte comercial e de
promoción para España, Latinoamérica e sur de Europa. Para Miguel Churruca, “Brainstorm Multimedia é un líder global en
solucións de grafismo broadcast no que hai grandes posibilidades de desenvolver
estratexias innovadoras de imaxe de marca para a nosa extensa gama de produtos
que son referentes xa no mercado nas súas respectivas categorías”.